ခရိုင်မှူး. နောက်ဆုံးထုတ် အမိန့်အပေါ်ထင်မြင်ချက်များ

ခရိုင်မှူးလက်မှတ်ပါ ၂၆/၁၀/၀၇ ရက်စွဲဖြင့် ထုတ်ပြန် ထားသောအမိန့်ကြော်ငြာတွင် မြန်မာ အပါအ၀င် နိုင်ငံခြားသား အလုပ်သမား များသည် စမွတ်စာခွန် ခရိုင် မဟာချိုင် ဒေသတွင် မြောက် များ စွာ ရောက်ရှိ နေပြီး ထို လူများထဲ တွင်လည်း အလုပ်လုပ်ခွင့် လက်မှတ် (ဘတ်) ရှိသူရော မရှိ သူပါ အထူးသဖြင့် မြန်မာပြည်သား များစွာ ရပ်ကွက် များတွင် ပျံ့နှံ့ နေထိုင်နေ ကြပါသည်၊ ထိုသို့ နေထိုင် မှုကြောင့် နောက်ဆက်တွဲ ပြသနာ အကျိုးဆက်အဖြစ် ကျန်းမာရေး။ နိုင်ငံမဲ့ ကလေးများ။ ဒုစရိုက် မှုခင်းများ။ ဥပဒေ ချိုးဖေါက်မှု များအပြင် ယခုနောက်ဆုံး ရိုးရာယဉ် ကျေးမှု ပွဲတော်များ ကျင်းပ ပြုလုပ် နေကြပြီး သူတို. ယဉ်ကျေးမှု များကို ဖြန့်ဖြူး နေကြ ပါသည်၊ထိုအချက် များမှာ နိုင်ငံတော် တည်ငြိမ်ရေးနှင့် အစိုးရ. ငဲ့ညှာ ထောက်ထားသော အားဖြင့် ခေတ္တခဏ နေထိုင် လုပ်ကိုင်ခွင့် ပေးထားခြင်း ရည်ရွယ်ချက် ကိုလည်း ထိခိုက် စေပါသည်၊
ထို့ကြောင့် အလုပ်ရှင်များ။ အလုပ်ရုံများ အားလုံးသည် မိမိတို့ တာဝန်ယူ ထားသော နိုင်ငံ ခြားသား အလုပ်သမားများ အပြုအမူများကို ဥပဒေနှင့် ကိုက်ညီစွာ လိုက်နာရန် ထိန်းချုပ် တင်းကျပ် ထားရမည်၊ ကျူးလွန် ချိုးဖေါက်ပါက ဥပဒေအရ ပြတ်သားစွာ အရေးယူခြင်း ခံရမည်၊ နိုင်ငံခြားသား အလုပ်သမားများ မည်သည့် အထိမ်းအမှတ် ရိုးရာ ယဉ်ကျေးမှု ပွဲတော် ကိုမှ ဖြန့်ဖြူး ကျင်းပခွင့် ပေးမည် မဟုတ်ပါ၊

စမွတ်စာခွန်ခရိုင်မှူး
နိုင်ဝီရယွတ် အီယမ်အမ်ဖါ


အထက်ပါ စာစုမှာ စမွတ်စာခွန် ခရိုင်မှူး အမိန့်ကြော်ငြာစာကို မြန်မာဘာသာဖြင့် အနီးစပ် ဆုံးဖြစ်အောင် ဘာသာ ပြန်ဆိုထားခြင်း ဖြစ်ပါသည်၊ ထိုစာပါအချက်များနှင့် မြန်မာ အလုပ်သမား နှင့် ဆိုင်သော အခြား အချက်များကို အလုပ်သမား တစ်ဦး အနေဖြင့် ခွဲခြား တင်ပြ သွားပါမယ်၊ ပထမဆုံး မြန်မာနိုင်ငံသားများ ထိုင်းနိုင်ငံအတွင်း ၀င်ရောက် အလုပ် လုပ်ကိုင် ခဲ့တာကို ပြန်ပြီး ကြည့်ရအောင်၊ မြန်မာနိုင်ငံ အတွင်းမှာ အဆင်မပြေ မှုပေါင်း များစွာကြောင့် ရှေးဦးစွာ ထိုင်းနဲ့ နယ်မြေချင်း နီးစပ်နေတဲ့ မွန်။ ကရင်။ ထားဝယ်။ ရှမ်း အစ ရှိတဲ့ ဒေသ များက အချို့ တွေဟာ လွန် ခဲ့တဲ့ ၁၅နှစ်ကျော် ကာလတွေမှာ ၀င်ရောက် အလုပ် လုပ်ကိုင် ခဲ့ကြ ပါတယ်၊ ထိုင်းနိုင်ငံ ဟာလည်း ဖွံ့ဖြိုး တိုးတက် နေတဲ့ အချိန် ကာလ ဖြစ်တာကြောင့် ရေလုပ်ငန်း။ ဆောက်လုပ်ရေး လုပ်ငန်း တွေမှာ လူ အင်အား များစွာ လိုနေချိန်နဲ့ တိုက်ဆိုင်ပြီး အလုပ်တွေအဆင်ပြေခဲ့ကြပါတယ်၊ ဒီထဲက အဆင်မပြေမှုတွေ။ အလိမ်ခံ။အနှိမ်ခံခဲ့ရတာတွေကို မပြောတော့ပဲ ခြုံငုံပြီးဆက်ပြောသွားပါမယ်၊ အဲဒီနောက်မှာတော့ အထက် ဖေါ်ပြပါ မွန်။ကရင် အစရှိတဲ့ဒေသတွေကနေ လူပေါင်း သိန်း ဂဏန်းနဲ့ ချီပြီး အလုပ်သမားတွေ တဖြေးဖြေးဝင် ရောက်လာခဲ့ကြပါတယ်၊ အဲဒါကလည်း အလုပ်သမားလိုအပ်ချက်တွေကြောင့်ပဲဖြစ်ပါတယ်၊ ဘာဖြစ်လို့လဲဆို တော့ ထိုင်းလူမျိုးအများစုဟာ ခက်ခဲကြမ်းတမ်းပြီး လုပ်အားခနည်းတဲ့အလုပ်တွေကို မလုပ်ကြတော့ပဲ သန့်ရှင်း။ သက်သာ။ ပေါ့ပါးတဲ့ အလုပ်တွေကို ပြောင်းလဲလုပ်ကိုင်ကြတဲ့အတွက်ဖြစ်ပါတယ်၊

ကျန်းမာရေးအကြောင်းကိုပြောရရင်တော့ ဒီထိုင်းနိုင်ငံကိုလာကြတဲ့လူတွေဟာ အလုပ်ကြမ်း တွေ လုပ်ရမယ်ဆိုတာ သိပြီးသားပါ၊ ဒါကြောင့်မကျန်းမာတွေလူတွေ မလာကြပါဘူး၊ ဒါ့အပြင် လာရတဲ့ခရီးလမ်းတွေဟာ လဲ ကြမ်းတမ်းခက်ခဲပြီး တောတောင်တွေဖြတ်။ နယ်စပ်ကနေ ကားထဲကြပ် ပိတ်သိပ်ပြီး လာခဲ့ကြရပါတယ်၊ တ ချို့လူတွေဆိုရင် လမ်းခရီးထဲမှာပဲ အသက်ဆုံးရှုံး ခဲ့ရပါတယ်၊ ဒါကြောင့် မကျန်းမာတဲ့ရောဂါသည်မျိုးဆိုရင် ထိုင်းနိုင်ငံထဲရောက်ဖို့ အလွန်ခက်ခဲ လှပါတယ်၊ ထိုင်းအစိုးရအနေနဲ့ မြန်မာအလုပ်သမားတွေဟာ ထိုင်းနိုင်ငံ ထဲကို တီဘီ။ငှက်ဖျား။ ဆင်ခြေထောက် အစရှိတဲ့ရောဂါတွေသယ်ဆောင်လာပါတယ်လို့ အစိုးရအဆက်ဆက် စွပ်စွဲ ပြောဆိုလာခဲ့ပါတယ်၊

ကောင်းပြီ။ ဘာကြောင့်မြန်မာအလုပ်သမားတွေမှာ ဒီကူးစက်ရောဂါတွေ တွေ့ကြရပါသလဲ၊ အရင်ဆုံး မြန်မာတွေ ၀င်ရောက်ခဲ့ရပုံတွေကိုပြန်ကြည့်ကြရအောင်၊ မြန်မာအလုပ်သမားတွေဟာ နယ်စပ်ကတော တောင်တွေကို နေ့ညမရွေး လမ်းလျှောက်လာခဲ့ရပါတယ်၊ ဒါ့အပြင် လမ်းကြောင်း မှာ အခြေအနေမကောင်းရင် နှစ်ရက် ကနေ တစ်လ လောက်အထိကြာအောင် တောထဲမှာပဲနေ ရရာစားသောက်ပြီးနေခဲ့ကြရပါတယ်၊ အဲဒီ အချိန်အခါတွေဟာ ငှက်ဖျား အစရှိတဲ့ရောဂါပိုးတွေ ကူးစက်ခံရဖို့ အကောင်းဆုံးအချိန်အခါတွေပါပဲ၊ ထိုင်းနိုင် ငံအထဲကို ရောက်တဲ့အချိန်မှာလည်း ကျန်းမာရေးနဲ့ညီညွတ်တဲ့ အခန်းတွေ။ အိမ်တွေမှာ နေထိုင်ခွင့်ရပြီး အစာ အဟာရကောင်းတွေ စားသောက်ရရင်တော့ ကျန်းမာစွာနဲ့ဆက်ပြီးအလုပ်လုပ်နိုင်မှာပါ၊ သို့သော် ကြပ်ပိတ် ပြီး လေ၀င်လေထွက်မရှိတဲ့နေရာ အလုပ်ကြမ်းပြီး နားချိန်နည်းတဲ့အလုပ်တွေ စာနာစိတ်နည်းတဲ့ အလုပ်ရှင်။ ပွဲစားတွေနဲ့ဆုံပြီး အလုပ်မတရားခိုင်းခံထိပြီဆိုရင်တော့ အဲဒီအလုပ်သမားအနေနဲ့ ရောဂါတွေရတော့မှာပေါ့၊

ဆေးကုသမှုခံယူနိုင်ဖို့ဆိုတာကလဲ အလုပ်ရှင်အပေါ်မှာအများကြီးမူတည်နေပါသေးတယ်၊ ထားပါတော့ ဒီနေရာမှာ အကျယ်ချဲ့နေရင် စာမျက်နှာတွေတိုးသွားနိုင်တယ်။ နောက်မှပဲ ဒီအကြောင်းကိုထပ်တင်ပြသွားပါ မယ်၊ မြန်မာတွေကသယ်ဆောင်လာတဲ့ ရောဂါဆိုတာတွေဟာ ဆေးကုသလို့ရပါသေးတယ်၊ လူမှုပတ်ဝန်းကျင် ကိုများစွာထိခိုက်မှုမရှိနိုင်ပါဘူး၊ ဒီစမွတ်စာခွန် ခရိုင်(မဟာချိုင်)မှာဆိုရင် ငှက်ဖျားရောဂါပိုးကူးစေတတ်တဲ့ ခြင် လုံးဝလုံးဝမရှိပါဘူး၊ ဒါပေမယ့် ထိုင်းနိုင်ငံကနေ မြန်မာအလုပ်သမားတွေဆီကို ကူးစက်ခံလိုက်ရတဲ့ အိတ်ခ်ျအိုင် ဗွီအေအိုင်ဒီအက်စ် ရောဂါကတော့ ကုရာနတ္ထိဆေးမရှိ ပဲ၊ ဘယ်သူတွေကပိုပြီးနစ်နာလဲ စဉ်းစားကြည့်ပါ၊ နောက်ထပ် ပြောချင်တာက အဲဒီအေအိုင်ဒီအက်စ်ရောဂါကို ထိုင်းနိုင်ငံထဲသယ်လာတဲ့ ဥရောပ။အမေရိကနိုင်ငံ တွေကိုတော့ ဘယ်ထိုင်းအစိုးရကမှ အပြစ်ပြောသံမကြားရသေးဘူး၊ မပြောရဲတာပဲလား။ ကျုပ်ရဲ့ဗဟုသုတ နည်းတာလားတော့မသိဘူးဗျို့၊

ကဲဒုစရိုက်မှုတွေ။ မူးယစ်ဆေးဝါးတွေဘက်ကိုလှည့်ကြရအောင်၊ ကျုပ်တို့ မဟာချိုင်မှာ ထိုင်းတွေရဲ့လု ယက်စော်ကားမှုတွေပဲ မြန်မာတွေက နေ့စဉ်နဲ့အမျှခံနေကြရတာပါ၊ မြန်မာတွေက ထိုင်းတွေကို လုယက်စော်ကားဖို့ဆိုတာ မရှိသလောက်နည်းပါတယ်၊ ရာဇ၀တ်မှတ်တမ်းတွေမှာလဲ ပြန်ရှာကြည့်ပါ၊ အထူးသဖြင့် မြန် မာတွေက အိမ်ရှင်နိုင်ငံသားနဲ့ ဘယ်တော့မှ ရန်ပြိုင်ဖြစ်ဖို့ မပြုလုပ်ခဲ့ပါဘူး၊ နိုင်ငံတကာဘော်လုံးပွဲတွေမှာ တောင် အိမ်ရှင်။ဧည့်သည် ယှဉ်လို့မရပါဘူး၊ မြန်မာအချင်းချင်းသာ ရန်ဖြစ်မှုတွေ။ သတ်ဖြတ်မှု တွေရှိပါတယ်၊ နောက်ပြီး မြန်မာနိုင်ငံ သားတွေဟာ အလုပ်လာလုပ်ဖို့ဆိုတဲ့ ဦးတည်ချက်ပြတ်ပြတ်သားသားရှိပြီးသားပါ၊ ဒါ ကြောင့် ယုတ္တိ မရှိတဲ့စွပ်စွဲချက်တွေကို ပြန်စဉ်းစားဖို့လိုအပ်ပါပြီ၊ မူးယစ်ဆေးဆိုရင်လည်း အဓိကဖြစ်တဲ့ ယာဘ ခေါ် မြင်းဆေးခေါ် စိတ်ကြွဆေးတွေ ပျံ့နှံ့နေရတာ မြန်မာ ပြည်သားကြောင့် လို့ ပြောဖို့ ခက်ပါတယ်၊ မြန်မာပြည်သားတွေဟာ အလုပ်လုပ်ခွင့်လက်မှတ်(ဘတ်)ရှိတဲ့သူတွေတောင်မှ ထိုင်း နိုင်ငံ အနှံ့အပြား ခရီးသွားလာခွင့်မရှိ ပါဘူး၊ မြန်မာတွေကြောင့်လို့ပြောရင် ယုတ္တိမရှိပဲ အရမ်း ကာရော စွပ်စွဲမှုတွေသာဖြစ်ပါတယ်၊

နောက်တစ်ခုအဆိုးဆုံးက ရိုးရာယဉ်ကျေးမှုတွေနဲ့ပက်သတ်ပြီး စွပ်စွဲပြောဆို ထား တာ တွေဖြစ်ပါတယ်၊ မြန်မာတွေရဲ့ယဉ်ကျေးမှု။ ထိုင်းတွေရဲ့ယဉ်ကျေးမှု အားလုံးဟာ ဗုဒ္ဓဘာသာ ကို အခြေခံပြီး ပေါ်ပေါက်လာတာဖြစ် ပါတယ်၊ သေသေချာချာ ပြန်ဆန်းစစ်ကြည့်ရင် အားလုံးနီးပါး တူညီနေပါတယ်၊ မြန်မာအလုပ်သမားတွေ ထိုင်းနိုင်ငံထဲမှာ စုပေါင်းကျင်းပတဲ့ ယဉ်ကျေးမှုပွဲတော် တွေဟာ ဘာတွေလဲ၊ နှစ်ကူးသင်္ကြန်ပွဲ။ ၀ါဆိုပွဲ။ ၀ါကျွတ်ပွဲ။ ကထိန်ပွဲ ဒါတွေပဲရှိပါတယ်၊ အဲဒီ ပွဲတွေအားလုံး ထိုင်းရိုးရာယဉ်ကျေးမှုမှာကိုက ရှိပြီးသားတွေပါ၊မြန်မာပြည် သား သိန်းဂဏန်း နဲ့ရှိ နေ တဲ့ ဒီမဟာချိုင်မှာ ကုသိုလ်ရေး ပွဲတော်တွေ ကျင်းပ ပြုလုပ်တာ ကောင်းသလား။ ဆိုးသ လား၊ နိုင်ငံတော်တည်ငြိမ်ရေး ထိခိုက်နိုင်တယ်ဆိုတာ ဘာကြောင့်ပါလဲ၊ သေချာတာကတော့ အလှူပွဲ တွေကို ပိတ်ပင်တယ်ဆိုတာကတော့ လူ့ယဉ်ကျေးမှုအရကို တော်တော်လေးဆိုးနေပါပြီ၊ ဘာသာ ရေး ရှုဒေါင့်ကနေ ကြည့်ရင်တော့ မတွေးရဲစရာပါပဲ၊ သြော် သန်းရွှေလိုလူမျိုး ထိုင်းမှာလည်း ရှိသေး ပါလားလို့ အံ့သြမိပါတယ်၊ နောက်တစ်ခုက ကိုးကွယ်မှုချင်း။ ယဉ်ကျေးမှုချင်း မတူညီတဲ့ တရုတ် ရိုးရာပွဲတွေ။ ဥရောပရိုးရာ ဟော်လိုဝင်းခေါ် တစ္ဆေပွဲတွေ အစရှိသဖြင့် တစ်နိုင်ငံလုံးအနှံ့လုပ်နေပြီး ဗုဒ္ဓဘာသာအချင်းချင်းပိတ်ပင်မှုဟာလည်း ဆက်ပြောဖို့ ကို မပြောချင်တော့ပါဘူးလေ၊

အားလုံးကိုခြုံငုံပြီး ပြန်လည်သုံးသပ်ရင်တော့ ထိုင်းနိုင်ငံထဲမှာ မြန်မာအလုပ်သမားတွေ ရှိနေ ရတာဟာ ထိုင်းစီးပွါးရေးအတွက် အဓိကအချက်ထဲမှာပါပါတယ်၊ နှစ်ဦးနှစ်ဖက် အပြန်အလှန် အ ကျိုး ရှိတယ် ဆိုတာကို ရဲရဲလက်ခံနိုင်ရ ပါမယ်၊ သေသေချာချာတွက်ရင် ထိုင်းနိုင်ငံက ပိုပြီးအကျိုး အမြတ် ရပါတယ်၊ ဒါကိုလစ်လျူရှုပြီး မြန်မာအလုပ် သမားတွေကို တစ်ဖက်သတ်ဖိနှိပ်မယ်ဆိုရင် နောင်အနာဂတ်မှာ ဆိုးကျိုးတွေများစွာဖြစ်လာနိုင်ပါတယ်၊ အထူးသဖြင့် မြန်မာအလုပ်သမားတွေ အတွက် ကောင်းမွန်တဲ့စိတ်ထွက်ပေါက်ဖြစ်တဲ့ ဘာသာရေးပွဲတော်တွေ ပိတ်ပင်ခြင်းဟာ ဘယ်လို မှလက်ခံနိုင်စရာမရှိပါဘူး၊ ထိုင်းနိုင်ငံမှာ လူသားဆန်တဲ့ ယဉ်ကျေးတဲ့ လူတော်လူ ကောင်းတွေ အများကြီးပါပဲ၊ ထိုင်းနိုင်ငံယဉ်ကျေးမှုဝန်ကြီးကိုယ်တိုင်က ဘာသာရေးကိုအခြေခံပြီး မြန်မာအလုပ် သမားပြသနာတွေဖြေရှင်းဖို့ ပြောကြားသွားပါတယ်၊ ၂၉/၁၀/၂၀၀၇ ရက်စွဲနဲ့ နယ်အိုန အမည်ရ သတင်း ၀က်ဘ်ဆိုဒ်မှာရှိပါတယ်၊ လိပ်စာကိုအောက်မှာဖေါ်ပြသွားပါမယ်၊ အဲဒီလို ထိုင်းလူယဉ်ကျေး တွေရဲ့ လေးစား ဖွယ်ရာတွေကိုထောက်ထားပြီး ပြင်းပြင်းထန်ထန် မပြောတော့ပါဘူး၊ ဒါပေမယ့် ထိုင်းလူမျိုးများ အလေးထားပြီး စဉ်းစားစေချင်တာကတော့ မြန်မာ။လော။ကမ်ပူးချား ဗုဒ္ဓဘာသာ အိမ်နီးချင်း နိုင်ငံသားတွေနဲ့ ဆက်ဆံရာမှာ ပြေ ပြစ်မှုတွေ လျော့နည်းနေတာ ဘာကြောာင့်လဲ။ ဘာတွေ ပြင်ဆင်သင့်သလဲ ဆိုတာတွေပါ၊ အနာဂတ်ကာလမှာ ငြိမ်းချမ်းစွာ ယှဉ်တွဲနေထိုင် သွားဖို့အတွက် ကြိုတင်ပြင်ဆင်မှုတွေလုပ်ဖို့လိုအပ်ကြောင်း တင်ပြရင်းနဲ့ ခေတ္တရပ် နားပါဦးမယ်၊ ထိုင်းယဉ်ကျေးမှုဝန်ကြီးပြောကြားချက်သတင်းပါတဲ့လိပ်စာကတော့

http//www.naewna.com

ကမ္ဘာ အရပ်ရပ်မှ မြန်မာ နိုင်ငံသားများအားလုံးသို့ နှိုးဆော်လွှာ

မြန်မာနိုင်ငံတ၀ှမ်းလုံးတွင် ယခု ဖြစ်ပေါ်နေသော မတည်ငြိမ်မှုများနှင့် ပြည်သူများရဲ့ ဆင်းရဲ ကြပ်တည်း မှုများမှ လွတ်မြောက်ရန် အတွက် ရဟန်း သံဃာတော်များမှ ဦးဆောင်ပြီး မြန်မာနိုင်ငံ အရပ်ရပ်တွင် မေတ္တာပို့ မေတ္တာရပ်ခံပွဲများ ပြုလုပ်နေခဲ့ကြပါသည်။ သို့သော် ထို မေတ္တာရပ်ခံ မေတ္တာပို့ပွဲများကို အကြမ်းဖက် ရိုက်နှက် လူစုခွဲ ဖမ်းဆီးခြင်းများနှင့် ဆက်လက် အကြမ်းဖက် နှိမ်နင်းရန် ပြင်ဆင်မှုများ ပေါ်ပေါက်လာခဲ့ကြပါသည်။


ထိုင်းနိုင်ငံ မဟာချိုင်ရပ်တွင် လာရောက် အလုပ်လုပ်ကိုင်နေကြသော မြန်မာနိုင်ငံအရပ်ရပ်မှ တိုင်းရင်း သား ပြည်သူများလဲ မြန်မာနိုင်ငံထဲတွင် ကျန်ရစ်နေခဲ့ကြသော မိဘဆွေမျိုး တိုင်းရင်းသားများကို စိတ်ပူ ပန်နေကြမည်ဟု ယုံကြည်ပါသည်။ ထို့ကြောင့် မြန်မာနိုင်ငံတွင်းနေ မိဘဆွေမျိုးသားချင်းများအတွက် မေတ္တာပို့ ဆုတောင်းပွဲများ ကျင်းပပြုလုပ်ကြမည်ဟု စီစဉ်လျက် ရှိပါသည်။


ထိုသို့ မေတ္တာပို့ ဆုတောင်းရာတွင် နိုင်ငံတကာမှ မြန်မာများနည်းတူ အိမ်တိုင်းလူတိုင်း အလုပ်ရုံတိုင်းတွင် ရှိသော တိုင်းရင်းသားများ အားလုံး မိမိတို့ အိမ်ရှေ့ အခန်းရှေ့ အလုပ်ရုံရှေ့သို့ ထွက်ပြီး မြန်မာနိုင်ငံ ရှိရာအရပ်သို့ မျက် နှာမူပြီး မေတ္တာပို့သူ အားလုံး တညီတညာတည်း မေတ္တာပို့ရန် ဖြစ်ပါသည်။ သန်ဘက်ခါ တော်သလင်းလပြည့်နေ့မှ စတင်ပြီး ညစဉ်ညတိုင်း ညီညာဖြဖြ ရွတ်ဆို မေတ္တာပို့ရန် စီစဉ်ထားပါသည်။ မင်းကွန်း ဆရာတော် ဘုရားကြီး ရေးသားတော်မူသော မေတ္တာသုတ်လာ မေတ္တာပို့နည်း ထဲမှ အောက်ဖော်ပြပါ မေတ္တာပို့ ဆုတောင်းမှု ကို ညစဉ်ညတိုင်း (မြန်မာစံတော်ချိန် ည ၈နာရီ တိတိ) ထိုင်းစံတော်ချိန် ည ၈နာရီခွဲတိတိမှ စတင်ကာ ၁၅မိနစ်တိတိ ရွတ်ဆို မေတ္တာပို့ရန် ဖြစ်ပါသည်။ မြတ်စွာဘုရားသည် မေတ္တာဓာတ်ဖြင့် အောင်ခြင်း ရှစ်ပါးကို အောင်တော်မူခဲ့သည့် နည်းတူ မြန်မာနိုင်ငံတော်တွင်းတွင် ယခု ဖြစ်ပျက်နေသော မတည်ငြိမ်မှုများလဲ မေတ္တာဖြင့် ပြေလည်နိုင်ကြပါစေ။


လူအချင်းချင်း နှိပ်စက်ခြင်း ကင်းရှင်းကြပါစေ။

တို့ မေတ္တာစွမ်း ကမ္ဘာလွှမ်း ငြိမ်းချမ်းကြပါစေ။

လူမှုရေး ဆိုတာ

အမိမြေက မိဘ ဆွေမျိုးတို့ကို ခွဲခွာပြီး ရွှေ့ပြောင်းလုပ်သား အဖြစ် အလုပ်လုပ်ရတာ မလွယ်လှပါဘူး။ ရသမျှငွေကို နေဖို့ စားဖို့ လောက်ငရုံ ချန်ပြီး မိသားစုထံ အကုန်ပို့နေခဲ့ကြလို့ နေထိုင်မကောင်း ဖြစ်ခဲ့တဲ့ အခါ၊ လုပ်ငန်းခွင်မှာ ထိခိုက် ဒဏ်ရာ ရခဲ့ကြလို့ ကိုယ်လက် အင်္ဂါတွေ စွန့်လွှတ် ကြရတဲ့ အခါ ဆေးကုစရာ ငွေကျန် မရှိ၊ အလုပ်ရှင်က တာဝန်မယူ၊ အိမ်ငှားခ မပေးနိုင်လို့ နေစရာ၊ စားစရာ၊ ဆေးကုစရာ မရှိဘဲ မသေမရှင် ဘ၀မှာ စိတ်ဓာတ်ကျလွန်းလို့ သတ်သေ သွားသူတွေလဲ အများသားပါ။ ဘ၀တူ အလုပ်သမား အချင်းချင်းကို ဆွေမျိုးလို သဘော ထားပြီး နိုင်ငံသားချင်း ရိုင်းပင်းရုံက လွဲလို့ ကိုယ်ကျင့်တရား ကောင်းသူများ အဖို့ တခြား ရွေးစရာ နည်းလမ်း သိပ်မရှိလှ ပါဘူး။ ဒီတော့ ဆင်းရဲသားချင်း အတူတူ ပိုဒုက္ခ ရောက်နေသူကို ဒုက္ခနည်းသူက ကူညီ စောင့်ရှောက် ကြရင်း ရင်ငြိမ်းပန်း အသင်းလေးက ပိုအင်အား များလာတာပါ။ ဒီလို သွားရောက် တွေ့ဆုံ အားပေး မေးမြန်းမှုဟာ သတ်သေ လုဆဲ လူတစ်ယောက်ရဲ့ အသက်ကို ကယ်နိုင် လောက်သည် အထိ စိတ်ဓာတ် ခွန်အား ပေးစွမ်း နိုင်တယ် ဆိုတာ ကိုယ်တွေ့ တွေပါ။

သည်လို လိုက်လံ အားပေး ရတာ တလကို ဘယ်နှစ်ကြိမ်လို့ ရေတွက် နိုင်ဖို့တောင် ခက်ခဲလှ ပါတယ်။ အသင်းဝင် တစ်ဦးချင်းက အိတ်စိုက် လုပ်လိုက်ရတာတွေလည်း များလွန်းလှပါတယ်။ အခြား အသင်းအဖွဲ့ များလို အသင်းသားများ မည်သည့် လခ၊ အကျိုး ခံစားခွင့်မှ မရကြပါဘူး။ ဒါ့ပြင် အသင်းသားများရဲ့ အလုပ်ချိန် များကို ဖျက်၊ အချိန်ပို လုပ်ခများကို လျစ်လျူရှုရင်း လူသားချင်း စာနာစိတ် ဆိုတာလေး တစ်ခု တည်းနဲ့ ဒီလို လူမှု အကျိုးပြု လုပ်ရပ်များကို တွန်းအားပေးသူ မပါဘဲ ကိုယ်ပိုင် အသိစိတ် နဲ့ ဆောင်ရွက် ကြတာ ဖြစ်ပါတယ်။ ဒါပေမယ့် သူတို့လေး တွေရဲ့ အားငယ် နေတဲ့ မျက်နှာ၊ အားကိုး တကြီး မျက်ဝန်းလေး များကို ကိုယ်ချင်းစာ လိုက်မိ တာနဲ့ ဖြစ်ပေါ်လာတဲ့ ကရုဏာ စိတ်ရဲ့ စေ့ဆော် မှုကြောင့် အားတင်းရင်း အရောက်သွား လိုက်ကြ တာပါပဲ။

အလှူငွေက အလှူ ပစ္စည်း၊ အကူ ပစ္စည်းတွေက အလှူငွေတွေက ပါတာ ဖြစ်ပေမယ့် သွားရောက် တွေ့ဆုံရတဲ့ စရိတ်ကတော့ ရင်ငြိမ်းပန်း အဖွဲ့သားများရဲ့ သီးသန့် အိတ်စိုက်ငွေထဲပဲ ဖြစ်ပါတယ်။ ပီတိကိုစား အားရှိပါသည်။ ကရုဏာ ဘာဝနာကိုပွား တကမ္ဘာလုံး အေးချမ်းပါစေသား…

ရင်ငြိမ်းပန်း စာပေပျိုးခင်း

အ လိမ္မာ စာမှာ ရှိ ဆိုသည့် အတိုင်း မြန်မာနိုင်ငံရဲ့ နယ်ပယ် အသီးသီးမှ လာရောက် အလုပ် လုပ်ကိုင် နေကြ သော ရွှေ့ပြောင်း မြန်မာ လုပ်သားများ တိုင်းတပါးတွင် အလုပ် လုပ်နေစဉ် ပိုမို လိမ္မာ ပါးနပ် လာစေရန် လည်း ကောင်း၊ အသိအမြင် ပိုမို ပွင့်လင်း လာစေရန် လည်းကောင်း၊ မြန်မာ့စာပေ ယဉ်ကျေးမှုနဲ့ အလှမ်းဝေကွာ မသွား စေရန် လည်းကောင်း၊ မိဘ ဆွေမျိုးတို့နဲ့ ခွဲခွာပြီး တိုင်းတပါးတွင် ပင်ပင်ပန်းပန်း အလုပ် လုပ်နေ ကြရ သော မြန်မာများ သင့်လျော် ကောင်းမြတ်သော စိတ် ဖျော်ဖြေမှု ရစေရန် လည်းကောင်း၊ ကောင်းကျိုး အားလုံး ကို ရည်မျှော်လျက် သည် စာကြည့်တိုက် အသေးစားလေးကို မြန်မာကျောင်းသားများရဲ့ ပညာရပ် ဆိုင်ရာ စာအုပ် လှူဒါန်းမှု၊ စေတနာရှင်များရဲ့ လှူဒါန်းမှုများဖြင့် စတင် တည်ထောင် ခဲ့နိုင် ပါသည်။ ယခုအခါ စာဖတ်သူ ပိုမို များပြားလာသည်နှင့်အမျှ စာအုပ် လိုအပ်ချက် ပိုမို များပြားလာသဖြင့် အလှူရှင်များ ကို ထပ်မံ ဖိတ်ခေါ် ပါသည်။ အနှစ်သာရ နှင့် အကျိုး ရှိသော စာအုပ်ကို လှူခြင်းသည် ပညာကို လှူရာ ရောက်ပါသည်။ ပညာကို လှူခြင်းသည် လောကတွင် ကောင်းကျိုး ဆိုးပြစ်ကို သင်ကြား ပြသရာ ရောက်သဖြင့် တရားသဖြင့် နေထိုင် ကျင့်ကြံသူ လူကောင်း လူတော် များစွာ ပေါ်ပေါက်အောင် မြေတောင် မြှောက်ရာ ရောက်ပါသည်။ စာအုပ် လှူခြင်း ဖြင့် အမျိုးကို မြှင့်တင် ပေးနိုင် ကြပါစေ။

ပညာလှူက လုံးစုံရ

ဘာသာရေးဆိုင်ရာ ပွဲလမ်းများ ဦးဆောင် ကျင်းပခြင်း

၂၀၀၆ခုနှစ် မဟာသင်္ကြန် တွင် သင်္ကြန်ပိတ်ရက် ၃ရက် တရားစခန်းတွင် စုပေါင်း တရားထိုင် တရားနာပွဲတွင် ယောဂီဝတ်ဖြင့် တွေ့ရသော မြန်မာ ရွှေ့ပြောင်း အလုပ်သမားများ



၂၀၀၆ ခုနှစ် မဟာသင်္ကြန် စုပေါင်း ရဟန်းခံ ရှင်ပြုပွဲနှင့် ဥပုသ်သည် တဖြစ်လဲ မြန်မာ ရွှေ့ပြောင်း အလုပ်သမားများ

အခြား အသင်းအဖွဲ့များနှင့်လည်း ရင်းရင်းနှီးနှီး ခင်ခင်မင်မင်

ပြီးခဲ့သည့် ကရင်ရိုးရာ လက်ကောက်ဝတ်တွင် ချည်ဖြူဖွဲ့ အခမ်းအနား အမှတ်တရ

သည်အခမ်းအနားကို ဘောလုံးကွင်းအတွင်း ကျင်းပခွင့်တောင်းခံရာ ဒေသခံ ထိုင်းရဲက လူ ၂၀၀ တက်ရောက် မည်ဟု စာရင်းပေးသောကြောင့် ကျင်းပခွင့် ပြုခဲ့သော်လည်း ရိုးရာပွဲကို မဖြစ်မနေ တက်ချင် လှသော ကရင် လူမျိုးများ သောင်းနှင့်ချီပြီး တက်ရောက် ခဲ့ကြရာ ဒေသခံရဲမှ မည်သို့ ပြုရမည်ကို မသိနိုင်အောင် အကြပ်ရိုက် သွားခဲ့သည်။ မမျှော်လင့်ဘဲ တဆင့် ကြားဖြင့် တက်ရောက် လာသော ပရိသတ်ကြောင့် ပွဲစီစဉ်သူ များလည်း လူများလွန်း သောကြောင့် ပွဲမထိန်း နိုင်တော့ဘဲ ရှိနေ ခဲ့သည်။ ထိုအခါ နေရာ အတွက် တိုးဝှေ့ရင်း အချင်းများ ရန်ဖြစ်ကြ တော့မှ အကြောင်းရှာ နေသော ထိုင်းရဲက ထိုင်းစစ်တပ်ကို အကြောင်းကြားပြီး ထိုလူအုပ်ကြီးကို အတင်း ၀င်ရောက် ဖမ်းဆီးခဲ့လေသည်။ လူသောင်းနဲ့ချီ ရှိနေသော လူအုပ်ကို စစ်တပ်နဲ့ ရဲတို့ ညှပ်ပိတ်ကာ ဖမ်းသော်လည်း အပြေးကောင်းလှ၊ အရှောင်မြန်လှသော ရွှေပွဲလာ ပရိသတ်ကို ထိုင်းများ လက်ဖျားခါ ကြရ လေသည်။ ဖမ်းဆီးခံရသူ ရာ ဂဏန်းသော အလုပ်သမားများ ထဲမှ အလုပ်သမား လက်မှတ် ရှိသူများကို အလုပ်ရှင် များက ပြန်လည် ရွေးယူ ကြပြီး အလုပ်သမား လက်မှတ် မရှိသူများကို မြန်မာဘက် ကမ်းသို့ ပြန်ပို့ခဲ့ လေသည်။

ဘာသာရေးဆိုင်ရာ လှုပ်ရှားမှုများ

အနော်ရထာ မင်းစော သည် ဘာသာရေးအတွက် ဗုဒ္ဓဘာသာကို ကိုးကွယ်စေခဲ့ရာ ပြည်သူများ နှလုံးစိတ်ဝမ်း နူးညံ့ ကြသည် ဖြစ်သောကြောင့် လူကောင်း များသော တိုင်းပြည်ကို အုပ်ချုပ် ရသည်မှာ တိုးတက်မှု မြန်ခဲ့ ကြောင်း ကျန်စစ်သားမင်း၊ အလောင်းစည်သူမင်း တို့လက်ထက် တိုးတက်မှုနှင့် အနော်ရထာမင်း လက်ထက် တိုးတက်မှု တို့ကို နှိုင်းယှဉ် ခြင်းဖြင့် သိနိုင် လေသည်။ လူကောင်းများ ၀ါးအစည်းပြေသလို ဖြစ်နေပါက နွားကွဲ ကျားကိုက် ဆိုသည့်အတိုင်း သူတပါး တိုင်းပြည်တွင် နေထိုင်ရင်း အလုပ်လုပ်ကိုင်ရသည်မှာ အန္တရယ် များလှ သည် ဖြစ်ရာ မြန်မာရွှေ့ပြောင်းလုပ်သားများ ဘာသာရေး ပိုမို ကိုင်းရှိုင်းစေရန်၊ အိမ်လွမ်းစိတ်နဲ့ အားငယ်စိတ် တို့ကို ဘာသာရေးဖြင့် ဖြေဖျောက် နိုင်စေရန်၊ အချင်းချင်း ပိုမို စည်းလုံးစွာ နေထိုင်တတ် စေရန် အခွင့်အလမ်း ဖန်တီး ပေးသော အားဖြင့် ဘာသာရေး ဆိုင်ရာ လှုပ်ရှားမှုများကို ရင်ငြိမ်းပန်း အသင်းမှ ဦးဆောင်ပြီး မကြာခဏ ပြုလုပ်ခဲ့ပါသည်။

နာရေး ကူညီ ရတာ လွယ်သလား

ရင်ငြိမ်းပန်း ကရုဏာ ဖောင်ဒေးရှင်းတွင် အဓိက ဆောင်ရွက် ရဆုံး အလုပ်ကို ပြောပါ ဆိုလာပါမူ နာရေး ကူညီမှုကို ပြောရ မလိုလို။ မကြာခဏ မြန်မာ ရွှေ့ပြောင်း လုပ်သားများ အပေါ် လူသတ်မှု၊ မုဒိမ်းမှု များကို တစ်လလျှင် အနည်းဆုံး နှစ်ကြိမ်ခန့် ကျူးလွန်လေ့ ရှိသူ ထိုင်းများ၊ တမင် သွေးကွဲအောင် သွေးထိုး လှုံ့ဆော်ခြင်း ခံရ သောကြောင့် ဖြစ်ပေါ် လာသော လူမျိုးရေး မုန်းတီးမှု များကြောင့် ဖြစ်သော မွန်-မြန်မာ ပဋိပက္ခ တို့ကြောင့်လဲ လူသတ်မှုများ ဖြစ်ပွားလေ့ ရှိရာ မည်သူပင် သေစေ ကာမူ လူမျိုး၊ ဘာသာ၊ ကျား၊ မ၊ ရန်သူ၊ မိတ်ဆွေ မရွေး သေသူရဲ့ မြန်မာ ပြည်တွင်း ကျန်ရစ်သူ မိသားစု စိတ်တိုင်းကျ မီး သဂြိုလ်ခြင်း၊ နာရေးကိစများ ကူညီ ဆောင်ရွက် ပေးခြင်း များကို ရင်နင့်စွာ ဆောင်ရွက် ကြရပါသည်။ နာရေး တစ်ခုကိုလည်း သက်ဆိုင်ရာ ဒေသရဲ့ ဓလေ့ ထုံးစံနှင့် အညီသာ မီးသဂြိုလ် ရသဖြင့် ကြုံတွေ့ရသော အခက်အခဲနှင့် ဓလေ့ ထုံးစံများကို ဗဟုသုတ အလို့ငှာ လည်းကောင်း၊ ကရုဏာ မိုးတို့ကို မျှော်လင့် နေသော ပန်းကလေးများကို သတိရ စေခြင်း အလို့ငှာ လည်းကောင်း တင်ပြ လိုက်ရ ပါသည်။

ရွှေ့ပြောင်းမြန်မာ လုပ်သား ဆိုသည်မှာ

(အထက်ပါ ဓာတ်ပုံမှာ ထမင်းစားချိန် ထမင်းစား ရုံထဲတွင် ရိုက်ကူးထားခြင်း ဖြစ်ပါသည်။ ရွှေ့ပြောင်းမြန်မာ လုပ်သားများကို သူတို့ သက်ဆိုင်ရာ အလုပ်ရုံ ၀တ်စုံများနှင့် တွေ့မြင်နိုင်ပါသည်။)

ဝမ်းရေးနှင့် မိသားစု အရေးတို့ အတွက် ရေခဲမှတ်အောက် လွန်စွာ အေးသော ငါးပုစွန် အအေးခန်းများတွင် ငါးပြင်၊ ပုစွန်ခွာ စသည်ဖြင့် ရေခဲရေများနှင့် တနေကုန် မနက် ၈နာရီမှ ညနေ ၅နာရီ၊ အချိန်ပို ညနေ ၅နာရီမှ ည ၈နာရီ သို့မဟုတ် ၁၀နာရီသို့ တိုင်အောင် မရပ်မနား ထိုင်စရာ မရဘဲ မတ်တပ်ရပ် အလုပ် လုပ်ကိုင် နေကြရ သော်လည်း ရသလောက် အချိန်လေးတွင် မက်မော စရာ ကောင်းလှသော အချိန်ပို အလုပ်ဆင်းချိန်ကို ဖဲ့ပြီး ဘ၀ တိုးတက်ရာ တိုးတက်ကြောင်း အင်္ဂလိပ်စာ သင်တန်းကျောင်း ကို ရအောင်၊ ပြီးပြတ်အောင် သင်ယူရသော မဟာ ဇွဲ သတ္တိရှင် ရွှေ့ပြောင်းမြန်မာ လုပ်သားများ

ထိုင်းနိုင်ငံ မဟာချိုင်ဒေသ ၀ပ်ခွပ်ရပ်ရှိ မြန်မာမှု မြန်မာ့ဟန် မြန်မာ့ ဗိသုကာ လက်ရာနှင့် မဟာ သတိပဌာန သုတ်လာ မဂ်ဖိုလ် ရောက်အောင် သွားရာ လမ်းကြောင်း ဉာဏ်စဉ် ၁၆ပါး စသည့် တို့ကို သင်္ကေတ ၀ါဒဖြင့် တည်ထားတော်မူသော မြန်မာ ရွှေ့ပြောင်းလုပ်သားများရဲ့ ကောင်းမှု ဆုတောင်းပြည့် စေတီ
စေတီတော်ရဲ့ ထီးတော်ကို မန္တလေးမှ ရအောင် ခဲရာခဲဆစ် မှာယူ ပင့်ဆောင်ပြီး မြန်မာကို အလွန် မုန်းသော တိုင်းတပါးတွင် မြန်မာ့မူ မြန်မာ့ ဟန်ဖြင့် စေတီတော်ကို မရ ရအောင် တည်ထား ကိုးကွယ် နိုင်ရန် ကြိုးပမ်းခဲ့ ကြသော မြန်မာ ရွှေ့ပြောင်း လုပ်သား များနှင့် တာဝန်ရှိသူများ၊ အလံ ရွေးချယ် စိုက်ထူ ရာတွင် မြန်မာနိုင်ငံသုံး သာသနာ့အလံ လွှင့်ထူခွင့်နှင့် စပ်လျဉ်းပြီး အဆင် မပြေမှုများ ပြင်းပြင်း ထန်ထန် ဖြစ်ပွားခဲ့ သော်လည်း စေ့စပ် ညှိနှိုင်း ဆွေးနွေး ပေးသော သံဃာတော် အရှင်သူမြတ်များ အားလုံး တို့ရဲ့ ကြိုးပမ်း အားထုတ် မှုကြောင့် ၁၅ရာစု နောက်ပိုင်းတွင် ထိုင်းနိုင်ငံတွင်း တည်ထား ကိုးကွယ်သော ပထမဆုံး မြန်မာ့လက်ရာ စေတီတော် ဖြစ်ပါသည်။

ရင်ငြိမ်းပန်း ဆိုသည်မှာ

ကျွန်ုပ်တို့ နှလုံးသားထဲတွင် ထုထည် ကြီးမားစွာဖြင့် ကိန်းအောင်း နေသော မေတ္တာ ကရုဏာကို အမြင့်မြတ်ဆုံး ဒါန အဖြစ် မွန်းကြပ် နေသော ဘ၀တူ အလုပ်သမား များ၏ အခက်အခဲ၊ ပြည်တွင်းမှ ကျန်ရစ် ခဲ့သော ခိုကိုးရာမဲ့ ဘိုးဘွားတို့၏ ဘ၀၊ မိဘ ခေါ်စရာ မရှိသော ရင်သွေးငယ် တို့၏ အနာဂတ်၊ သေလွန် သွားပြီး ပျဉ်တစ်ချပ် ကုန်းကောက် စရာ မရှိသော ဈာပန၊ စသည့် လိုအပ်ချက် များကို ကျွန်ုပ်တို့၏ ချွေးနှဲစာ များထဲမှ တနေ့လျှင် တစ်ဘတ်၊ တလလျှင် ဘတ် သုံးဆယ်နှုံးဖြင့် တစ်ဦးချင်း အင်အားဖြင့် မဆိုသာ သော်လည်း အများအားဖြင့် စုပေါင်း လိုက်သောအခါ ကြီးမားသော မဟာ ကရုဏာရှင် အဖြစ် အင်အား ပြောင်းလဲ သွားမည် ဖြစ်ပါသည်။
သို့ပါသောကြောင့် အုတ်တစ်ချပ် သဲတစ်ပွင့် အနေဖြင့် တစ်ဦးချင်း မဟာ ကရုဏာရှင် များအဖြစ် ခံယူကြ ပါရန် ကြည်လင် အေးမြသော မေတ္တာ ရှေ့ထားပြီး အသိပေး တိုက်တွန်း အပ်ပါသည်။

• တို့တွေပေးတဲ့ ခြုံစောင်လေးကြောင့်
ဘိုးဘွားနွေးလို့ အိပ်တဲ့အချိန်
• တို့တွေပေးတဲ့ စာအုပ်လေးကြောင့်
ပညာအသိ တိုးတဲ့အချိန်
• တို့တွေကူတဲ့ ဈာပနလေးကြောင့်
ကျန်နေရစ်သူ မျက်ရည်စဲချိန်
• ပီတိမျက်ရည် ရင်မှာသီလို့
တို့များကိုယ်စီ ပေးဝေမည်။

ရင်ငြိမ်းပန်းဆိုသော အမည်မှာ တစ်သီး ပုဂ္ဂလ ပိုင်ဆိုင်သော အမည် မဟုတ်ပါ။ ပန်း ဆိုသည်မှာ မည်သူ့ အပေါ်တွင် မဆို သဘာဝ အတိုင်း သင်းပြန့် မွှေးမြ စေသည်မှာ အမှန်ပင် ဖြစ်ပါသည်။ ထို့အတူ ပန်းကလေး များသဖွယ် လူသား တိုင်း၏ နှလုံးသား များဝယ် လူမျိုး၊ ဘာသာ၊ ရန်သူ၊ မိတ်ဆွေ မရွေး လူသားတိုင်း အပေါ်တွင် သင်းပြန့် မွှေးမြစေသော စေတနာ ကရုဏာ ပန်းကလေးများ ပွင့်လန်း စေချင် ပါသည်။ မိမိ ကိုယ်တိုင်ရဲ့ နှလုံးသား များမှ စေတနာ ကရုဏာ ပန်းကလေး များဖြင့် လူသား များရဲ့ ရင်ထဲမှ အပူမီး များကို ငြိမ်းသတ် အေးချမ်း စေသော ရင်ငြိမ်းပန်း ကလေးများ အဖြစ် လူသားများကို မြင်ချင်လှ ပါသည်။ ထို့ကြောင့် ကမ္ဘာသူ ကမ္ဘာ သားများ အားလုံး ရင်ငြိမ်းပန်း ကလေးများ ဖြစ်ကြပါစေလို့ ဆန္ဒပြု လိုက်ရပါသည်။

မြင့်မြတ်ဖြူစင်သော ကရုဏာရှင် အင်အားစုများကို နွေးထွေးစွာ ကြိုဆိုခြင်း

ကျွန်ုပ်တို့ ရင်ငြိမ်းပန်း ကရုဏာ ဖောင်ဒေးရှင်း ကို ဖွဲ့စည်း တည်ထောင် ထားသည်မှာ ၂၀၀၄ ဇန်န၀ါရီ ၁၀ရက်မှ ယနေ့တိုင် ဆိုလျှင် သုံးနှစ် ကျော်ပြီ ဖြစ်ပါသည်။ ဖြတ်သန်း ခဲ့သော သုံးနှစ် ကျော်ကြာ ခရီးတွင် ရွှေ့ပြောင်း မြန်မာ လုပ်သား များ၏ ကျန်းမာရေးနှင့် နာရေး ကူညီမှု များကို အဓိကထား ကူညီ ဆောင်ရွက် ပေးခဲ့ပါသည်။ လူသား တိုင်းတွင် ရှိရင်းစွဲ သနား ကြင်နာ တတ်သော ကရုဏာ နှလုံးသားမှ ယိုဖိတ် စီးဆင်း လာသော တစ်ဘတ် ပေါင်းစုသော မြင့်မြတ်သော ငွေကြေး တို့ဖြင့် ကူညီ ခဲ့ခြင်း ဖြစ်ပါသည်။

ထို့ကြောင့် နှစ်စဉ် မပျက် လှူဒါန်း ကူညီ အားပေး ကြသော စေတနာရှင်များ တရက်၊ တလ၊ တနှစ် လှူဒါန်းပြီး အကြောင်း မညီညွတ်၍ ထွက်သွား ကြသော စေတနာရှင်များ အားလုံးကို ဆင်းရဲ ဒုက္ခ ရောက်ပြီး၊ ရောက်နေဆဲ ဘ၀တူ အလုပ်သမား များမှ ကမ္ဘာ့ လူသားများ အားလုံးနှင့် ထပ်တူထပ်မျှ လေးစား ဦးညွတ်လျက် ကျေးဇူး တသသ အထူး တင်အပ် ပါသည်။

အသင်း၏ ယနေ့ ရပ်တည် ရှင်သန် နေရသော အင်အားသည် အသင်းဝင် ဦးရေ ၂၀၀ ကျော်မျှသာ ရှိသော အင်အားဖြင့် ပရဟိတ လုပ်ငန်း များကို ကြံ့ကြံ့ခံ ကူညီ နေရသည့် ကာလ ဖြစ်ပါသည်။ ကူညီ လိုက်ရ၍ ရရှိ လာသော ပီတိထက် မကူညီ လိုက်ရ၍ လက်ပိုက် နောက်ဆုတ် လိုက်ရသော စိတ်မချမ်းသာမှုက ပိုများ နေပါသည်။

ဤ ကရုဏာ ရာသက်ပန် အသင်းဝင် များသည်လည်း ဆင်းရဲဒုက္ခ ရောက်နေသည့် လူသား အားလုံး၏ မျက်နှာ တစ်ခု ကိုသာ ကြည့်၍ ရန်သူ မိတ်ဆွေ မရွေး၊ လူမျိုး ဘာသာ မရွေး၊ ဆင်းရဲ ချမ်းသာ မရွေး ရှေ့ဆက် ကူညီ လှူဒါန်း သွားရန် သံဓိဌာန် ချထားပြီး ဖြစ်ပါသည်။

ယခုနှစ်တွင် ရင်ဆိုင် ကြုံတွေ့ ရမည့် အကူအညီ လိုအပ်မှု များကိုလည်း အရှိန်အဟုန် မပျက် ဆက်လက် ကူညီ ဆောင်ရွက် သွားရန် ကျွန်ုပ်တို့ အားလုံး အဆင်သင့် ဖြစ်နေပါပြီ။ ကျွန်ုပ်တို့နှင့် လက်တွဲ ပါဝင်ကူညီ ကြပါရန် ဘ၀တူ အလုပ်သမား လူသားများ အားလုံးကို ဖိတ်ခေါ် အပ်ပါသည်။ ကျွန်ုပ်တို့သည် မည်သည့် အသင်း အဖွဲ့ များ၏ လက်အောက်ခံ ဆက်နွှယ်ခံမှ မဟုတ်ဘဲ ဘ၀တူ ရွှေ့ပြောင်း မြန်မာ အလုပ်သမား များဖြင့်သာ ဖွဲ့စည်း ထားသော အသင်း ဖြစ်ပါသည်။
နောက်ဆုံးတစ်ပွင့်
နောက်ဆုံးပွင့်ချပ်
နောက်ဆုံး ၀တ်မှုံ
ကျန်သည် အထိ လောက ကောင်းကျိုး အတွက် ကျွန်ုပ်တို့ ရင်ငြိမ်းပန်း ကလေးများ ကတော့ ဖူးပွင့် လန်းဆန်းလျက် သင်းပျံ့ မွှေးမြသော ရနံ့တို့ကို ဖြန့်ဝေ ပေးနေ မည်မှာ အမှန်ပင် ဖြစ်ပါ တော့သည်။

ဦးကျော်လွင်

လောလောလတ်လတ် သတင်းများ

ထိုင်းနိုင်ငံသို့ ရောက်ရှိကာ တရားမ၀င် အလုပ်လုပ်နေကြရသော မြန်မာ အလုပ်သမားများ ဖြစ်လင့်ကစား သူတပါးတိုင်းပြည်တွင်ရှိလျက် မိမိတို့ မွေးဇာတိ မြန်မာပြည်ကို မမေ့သောအားဖြင့် မြန်မာ့ရိုးရာ ဓလေ့ထုံးစံများနဲ့ ၀တ်စားဆင်ယင်မှုများကို မပျောက်ပျက်စေဘဲ ဆက်လက်ထိန်းသိမ်းနေထိုင်ရင်း ကျန်ခဲ့သော ဧပြီလ မဟာသင်္ကြန်ပွဲတော်ကို မြန်မာ့ရိုးရာမပျက် ယဉ်ကျေးစွာ မြန်မာမှု မြန်မာ့ဟန်အပြည့်ဖြင့် ဆင်နွဲခဲ့သော မဟာချိုင်ရပ်ရှိ မြန်မာများကို TITV ရုပ်မြင်သံကြားမှပင် လာရောက် ရိုက်ကူး မှတ်တမ်းတင်ခဲ့ရပါသည်။ ရင်ငြိမ်းပန်းအသင်းကြီးမှ သင်္ကြန်တွင်း ၃ရက် တရားစခန်းကို မည်သူမဆို လာရောက် တရားအားထုတ်နိုင်ရန် ကမကထ ပြုပေးခဲ့ပါသည်။ စုပေါင်းတရားစခန်းကို နေရာအတွက် ထိုင်းဘုန်းတော်ကြီးကျောင်း ကို ခွင့်တောင်းပြီး တရားပြဆရာတော်အဖြစ် ချမ်းမြေ့ရိပ်သာ ဆရာတော်ဘုရားကြီး၏ ထိုင်းနိုင်ငံရှိ ချမ်းမြေ့ရိပ်သာကျောင်းခွဲ ကျောင်းထိုင်ဆရာတော် ဦးနန္ဒ၀ံသမှ ရှင်းလင်းညွှန်ပြပေးခဲ့ပါသည်။ မထင်မှတ်ထားစွာ ယောဂီလောင်း တရာကျော် လာရောက် စာရင်းပေးသွင်းခဲ့ကြပြီး (၁၁၂)ယောက် တရားအားထုတ်ခဲ့ကြပါသည်။ ယခုလည်း ၀ါဆိုခါနီးအချိန်တွင် ရက်သတ္တ တပတ်လျှင် တစ်ရက်တည်းသော အလုပ်ပိတ်ရက် တနင်္ဂနွေနေ့တိုင်း ဓမ္မစကြာသုတ် ရွတ်ဖတ်နည်းနှင့် ဓမ္မစကြာ တရားတော်သင်တန်းကို ဦးဆောင်စီစဉ်လျက် ယခုလာမည့် ဇူလိုင် ၂၉ရက် တွင် ကျရောက်သော ဒုတိယ၀ါဆိုလပြည့်နေ့တွင် ဓမ္မစကြာသုတ် ရွတ်ဖတ်ပူဇော်ပွဲကို ထပ်မံ ကျင်းပ ပြုလုပ်မည် ဖြစ်ကြောင်း သတင်းပါးအပ်ပါသည်။